Daraxt va butalarning inson hayotidagi ahamiyati qanchalik muhimligi barchamizga yaxshi ayon. Ko‘kka bo‘y cho‘zib turgan salobatli dov-daraxtlar, ko‘kalamzor joylar ko‘zni yashnatishi bilan birga, havo musaffoligini ham ta’minlaydi. Yashayotgan makonni yashillikka burkash, bog‘u bo‘stonlar barpo qilish inson hayotini boqiylikka daxldor qiladi.

Prezidentimiz tomonidan ilgari surilgan “Yashil makon” umummilliy loyihasi mamlakatimizda ekologik vaziyatni yanada yaxshilash hamda iqlim o‘zgarishlariga milliy yechim sifatidagi noyob loyiha bo‘ldi, desak yanglishmagan bo‘lamiz. Zero, ushbu loyiha zamirida avtomobil va turli rusumdagi mashinalar, logistika va texnika vositalari qurshovida qolgan makonga asl tabiatni tuhfa etish, ko‘chat ekish va bog‘ yaratish yotadi.

Yunus Rajabiy nomidagi O‘zbek milliy musiqa san’ati institutida ham “Yashil makon” umummilliy loyihasi doirasida ko‘chat ekish marafoni o'tkazildi.