AMALIY LOYIHA

Davlat ilmiy-texnika dasturi “Pedagogika va psixologiya fanlari” yo‘nalishi doirasidagi “Ko‘zi ojiz va zaif ko‘ruvchilar uchun brayl alifbosida “Solfedjio” hamda “Musiqa nazariyasi” fanlaridan multimedia mahsulotlari majmuini yaratish” ALM-202403110255-son 2024-2026-yillarga mo‘ljallangan amaliy loyiha bajarilmoqda. Loyiha rahbari san’atshunoslik fanlari nomzodi, professor Begmatov Soyibjon Maxmudovich.

Loyiha doirasida yaratilgan mahsulotlar ko‘zi ojiz va zaif ko‘ruvchilarning ijodiy qobiliyatlarini rivojlantirish, musiqiy ta’limni yuqori sifatda tashkil etishga qaratilgan brayl alifbosida, ham oddiy alifboda “Solfedjio” va “Garmoniya” fanlaridan elektron qo‘llanma, audio darsliklar va sayt har tomonlama yetuk barkamol avlodni tarbiyalashga xizmat qiladi, ko‘zi ojiz va zaif ko‘ruvchilarning musiqa va ritmika yo‘nalishlarida rivojlanishini aniqlash imkonini beradi.